h1

Docencia

Docencia

Nova imaxe docencia.PNG
A Docencia é un dos pilares que sostén o futuro da sanidade e garante a adquisición de coñecementos fundamentais para reforzar a formación e habilidades dos profesionais, e integra na súa practica a simulación como ferramenta docencia. A Área Sanitaria de Ferrol dispón dunha Unidade de Docencia que forma, perfecciona e actualiza os profesionais de hoxe e do futuro.
 
Contamos con máis de 260 alumnos/as da formación pregrao, posgrao e formación sanitaria especializada que reciben cada ano formación en distintos Servizos da nosa Área, tanto no ámbito hospitalario como de Atención Primaria.
 
A nosa Área Sanitaria asinou convenios de colaboración coas Universidades de Santiago de Compostela e a Universidade da Coruña. Recibimos alumnos doutras Universidades nacionais e internacionais; e, tamén temos estreita colaboración coas Xerencias das distintas Áreas Sanitarias da Comunidade Autónoma e do resto de España
 
Colaboramos con programas do Servizo Galego de Saúde como o Atlantis Project, que consta de prácticas de curta duración nos meses de verán e inverno nos Servizos, que posibilitan a observación das diferentes técnicas, e que cada ano trae preto de trinta alumnos a formarse no noso Hospital.
 
Dende a Unidade de Docencia, facilítanse e convócanse axudas para as estancias e rotacións externas dos especialista en formación en distintos centros de prestixio tanto nacionais como internacionais.
 
Facilitamos e damos apoio metodolóxico e estatístico á investigación. 
 
COMISIÓNS E SUBCOMISIÓNS DE DOCENCIA

  • Comisión de Docencia CHUF
  • Comisión de Docencia UDMAFeC
  • Subcomisión de Docencia Enfermería FeC
  • Subcomisión de Docencia Enfermería de Centro
  • Subcomisión de Docencia da Unidade Multiprofesional de Saúde Mental
 
ACTIVIDADES DESENVOLVIDAS DESDE A UNIDADE DE DOCENCIA

  • Acollida dos alumnos/as en prácticas e residentes.
  • Planificación e xestión dos procesos de rotación de alumnos/as e residentes.
  • Tramitación de rotacións externas e non externas dos residentes coas Unidades Docentes doutros Hospitais e Centros de Atención Primaria.
  • Atención e axuda ós alumnos/as, residentes, titores e colaboradores docentes no referente a consultas, dúbidas e trámites requiridos durante a súa estancia e formación.
  • Xestión dos Programas de Cursos: Común Complementario (PCC) e Específico Complementario (PEC) para residentes.
  • Xestión e programación das Sesións Clínicas Xerais.
Estamos integrados na Rede de Comisións de Docencia de Galicia (REDEGA).
Traballamos nun Plan de Calidade Docente actualizado e en base a de rexistros, enquisas e resultados, o que leva a avaliación continua do propio Plan.