Foise incorporando progresivamente material e novos servizos para facer crecer este proxecto: un aula de simulación médica, unha de simulación cirúrxica, unha de coidados críticos/quirófano e unha sala dotada con medios audiovisuais, e con capacidade para 30 alumnos. Todo isto destinado á simulación e á aprendizaxe dos e das profesionais da Área Sanitaria de Ferrol. 

 

Estas aulas son un proxecto de tod@s para tod@s polo carácter colaborativo da súa orixe. Nun inicio, aproveitáronse tódolos recursos dos centros, cada un dos servizos foi incorporando aqueles elementos que xa non se empregaban no día a día porque foran substituídos por novas tecnoloxías e integrando nun todo os esforzos individuais. Imaxinación e reciclaxe.