A investigación na Área Sanitaria de Ferrol está coordinada pola Dirección de Procesos de Soporte. Esta Dirección abrangue a Unidade de Docencia e Investigación (UDI), xunto con outros órganos asesores, como o Comité Ténico Sanitario de Investigación e a Fundación Profesor Novoa Santos. Existe tamén un convenio coa Universidade da Coruña para dar apoio metodolóxico e estatístico.

 

A Fundación Profesor Novoa Santos actual ten a súa orixe no 2013, trala fusión entre a Fundación do Complexo Hospitalario Universitario da Coruña e a antigua Fundación Profesor Novoa Santos de Ferrol, pasando a ser a entidade responsable da promoción, xestión e do desenvolvemento da investigación e innovación na Área Sanitaria da Coruña e Cee, e na Área Sanitaria de Ferrol.

 

A Fundación ten unha delegación na Área Sanitaria de Ferrol, ubicada no Hospital Arquitecto Marcide, encargada de proporcionar apoio, asesoramento e soporte administrativo e técnico, a profesionais e investigadores desta Área Sanitaria, poñendo a súa disposición os medios e/ou recursos da Fundación para o desenvolvemento científico-tecnolóxico e a innovación no ámbito sanitario  en Ciencias da Saúde.