O equipo de profesionais que traballa nos hospitais da Área Sanitaria de Ferrol pretende prestarlle a atención e os coidados co máximo respecto e calidade.

 

O  ingreso  programado  farase a  través  do Servizo  de  Admisión. Neste  momento,  deberá  identificarse  e  presentar  a  seguinte documentación: Tarxeta Sanitaria e DNI. Ó  chegar  á  unidade  de  hospitalización  será  recibido  polo persoal  de  enfermaría, e indicaranlle a súa habitación. Para a súa seguridade colocaráselle unha pulseira identificativa.

 

Recomendámoslle a lectura da Guía de acollida para coñecer os principais temas a ter en conta cando acuda aos centros do Complexo Hospitalario da nosa área.