A súa tarxeta sanitaria individual é un documento clave que facilita a asistencia; e é moi importante manter actualizados os datos persoais nela (domicilio, teléfonos de contacto, etc.). É unha obriga dos usuarios e usuarias xa que a finalidade é a de facilitar a comunicación entre vostede e os servizos sanitarios. Os ditos datos poden modificarse ben a través de certificado dixital, na propia páxina web do Sergas, ou ben acudindo ós espazos administrativos do seu centro de saúde.