A Unidade de Calidade presta apoio e asesoramento na xestión, planificación, implantación e mantemento dos Sistemas de Xestión da Calidade ós Servizos Certificados e a calquera outro servizo da Área Sanitaria de Ferrol que o demande, así coma á Dirección, no relativo a Xestión de Sistemas de Calidade e Certificación ISO. Tamén naqueles outros aspectos relacionados coa calidade que a Dirección considere oportunos.

 

Asemade, no eido da Enfermaría tanto a nivel da nosa Área, participa, asesora e desenvolve proxectos de calidade como seguridade do paciente, rexistros específicos, ou procedementos, entre outros. Participa en grupos de traballo dentro da Área Sanitaria de Ferrol e en grupos de traballo centrais do Servizo Galego de Saúde.

 

Dende a Unidade, realízanse actividades de apoio administrativo e de arquivo documental a todos os Comités Técnico Sanitarios, Comisións Clínicas e Grupos de Traballo que se desenvolven na Área.